I ha alles planet: Scho paar Mönet im Voruus bini no zum Coiffeur fürnes guets Foto füre nöi Uswiis.
Weisch, i ha alles planet: Ha nöii Schueh zum wandere und i loufe se ii u packe när glich no öppis ii gäge Blaatere – sicher isch sicher.
I nime mis Surfbrätt mit u Sunnecrème mit Schutzfaktor 50 u dr schlimmsti Muggespray, wo git, damits de o würklech öpis nützt.
Und i ha es Buech drby über die gfährlechste Tier, wos in Australie git u was me muess mache, weme se trifft.
När bini is Flugi. Es isch scho no lang gange. Aber i ha ds einte oder angere feine Getränk gno u zimlech guet gschlafe.
U woni wieder verwache, da sy mir grad glandet u dr Flight Attendant faaht aa lache, woni ne frage, wie witt s zum Strand isch.
U är seit: «Dir sit scho in Sidney, aber dir sit ni wo dir meinet. Zum surfe ischs chly blöd hie – besser wär iishockeyle.
Dir sit scho in Sidney, aber dir sit ni wo dir meinet. Leget gschider öppis aa, es chunnt gly cho schneie.»
I wär gärn uf Down Under – itz hätti gärn Daune anne.
Me cha itz säge: ‘Blöd gloffe’, aber es isch no schlimmer, wüu australische Summer bedütet, es isch kanadische Winter.
U itz stani da. Ds Wätter chli ‚Wäh‘. Ha Schutzfaktor 50 druffe u dusse isch Minus 10 – oh Sidney, Sidney.
U nid mal d Dollar sy hie Dollar. Es isch würklech alles angers. I ha nach Down Under wöue, itz hätti gärn öppis drunger anne.
Immerhin hilft mini Toucherbrülle es bitzeli gäge Schnee. D Flosse hälfe wiederum nid – besser wär e Neopren.
«Dir sit scho in Sidney, aber dir sit ni wo dir meinet. Zum surfe ischs chly blöd hie – besser wär iishockeyle.
Dir sit scho in Sidney, aber dir sit ni wo dir meinet. Leget gschider öppis aa, es chunnt gly cho schneie.»
I wär gärn uf Down Under – itz hätti gärn Daune anne.
